Қазіргі таңда нанотехнологиялар мен наноматериалдар әлемдегі барлық дамыған мемлекеттерде адамзат қызметінің аса маңызды салаларында, атап айтқанда өнеркәсіп, радиоэлектроника, энергетика, көлік тасымалы, биотехнология, медицинада кеңінен қолданылуда. Соның ішінде көміртекті наноқұрылымдық материалдардың ерекше қасиеттеріне байланысты қызығушылық күн санап артып келеді. Яғни, нарықта сұранысқа ие. Осы тұрғыда Әл-Фараби атындағы Қазақ ұлттық университетінің ғалымдары Қазақстанда алғашқылардың бірі болып, нанотехнологияларды жан-жақты зерттей бастайды. 2017 жылы ғалымдарға университет басшылығы тарапынан қолдау көрстіліп, соңғы үлгідегі құралдармен жабдықталған өндірістік цех ашылды. Бүгінде Әл-Фараби атындағы ҚазҰУ жанындағы Ашық түрдегі ұлттық нанотехнологиялық зертханасының ғалымдары нано құрылымдық материалдарды кең ауқымды мақсатта қолдану үшін зерттеу жұмыстарымен айналысып келеді. "ҚазҰУ-дың инновациялық жобалары" атты бағдарламаның кезекті шығарылымы осы тақырыпқа арналмақ.
Ещё видео!