Lənkəranda fərdi evdə yanğın olub. Yanğı zamanı iki nəfər xəsarət alıb.
Yanğın hadisəsi Lənkəran rayonunun Digah kəndində qeydə alınıb. Dərhal hadisə yerinə Fövqəladə Hallar Nazirliyinin Lənkəran Yanğından Mühafizə Hissəsinin iki texnikası və canlı qüvvəsi cəlb olunub. Məlum olub ki, birmərtəbəli - sahəsi 150 kvadratmetr olan ev 46 yaşlı Natəvan Hüseynovaya məxsusdur. Evdə olan sakinlər 18 yaşlı Nigar Hüseynova və 43 yaşlı Elnurə Hüseynova yanmamaq üçün özlərini pəncərədən aşağı atıblar. Hər iki şəxs Təcili Tibbi Yardım avtomobili ilə Lənkəran Rayon Mərkəzi Xəstəxanasına çatdırılıblar.
Sinxron: Elgiz Baxşəliyev (təcili yardım şöbəsinin baş həkimi)
Təcili yardım stansiyası tərəfindən iki xəstə acil şöbəsinə daxil oldu. Xəstə Hüseynova Nigar Emin qızı 2004 – cü il təvəllüdlü, sağ qamış sümüyünün aşağı üçdə birinin və sol daban sümüyünün sınığı diaqnozu ilə. Xəstə ilkin yardım olundu, cərrahiyə şöbəsinə köçürüldü. Digər xəstəmiz Hüsüynova Elnurə Murtuza qızı 79 təvəllüdlü, sağ aşıq baldır oynağının əzilmiş yarası. Xəstə ilkin yardım olundu, ambulator müalicə üçün evə buraxıldı.
Lənkəranda baş verən yanğınla bağlı Fövqəladə Hallar Nazirliyi də məlumat yayıb. Ümumi sahəsi 150 m² olan birmərtəbəli 3 otaq və aynabənddən ibarət evin yanar konstruksiyaları yanıb. “Yanğın zamanı 2 nəfər yanıq xəsarəti alıb. Bitişik ev yanğından mühafizə olunub. Yanğın yanğından mühafizə bölmələri tərəfindən söndürülüb”,- deyə məlumatda qeyd olunub. Faktla bağlı araşdırma aparılır.
Ещё видео!