Відбулась премєра вистави "Головний тарабанщик" присвячена 220 рокам від народження Будителя Русинів Александра Духновича
Комедію «Головный тарабанщик» русинськый писатель-будитель Александер Духнович написав у році 1852 у Пряшові. Написав по свіжых слідах – нараз по Кошутовій войні 1849 року, коли єдні проливали свою кров, а другі безбожно ліфровали (шпекуловали). Главный «герой» – новопеченый арістократ Артур Празноглавськый де Еадем уж має вшитко забеспеченой про багате житя и старость. Лем ищи хоче даяку высоку посаду в уряді. Путь му перестає націонално орієнтованый урядник, Русин и патріот Владимир Нравович.
Поверх сто років комедія «Головный тарабанщик» обставала у рукопису. И хотяй была опубликована у році 1963, и такой тогды поставлена на сцені Українського народного театра у Пряшові (в українськім языку), лем днесь (28.04.2023) першый раз поставлена на сцені в русинськім языку. Інсценована на сцені Театра Александра Духновича у Пряшові з нагоды 220-ой річниці народженя А. Духновича.
Трансляція в Telegram: [ Ссылка ]
Трансляція в Facebook: [ Ссылка ]
![](https://s2.save4k.ru/pic/N4-HzE6IDiw/mqdefault.jpg)