Եթե դուք սովորում եք դպրոցի 6-10-րդ դասարաններում և ունեք հետաքրքրություններ գիտության և տեխնիկայի տարբեր բնագավառներում, ապա սեպտեմբերի 26-ից հրավիրվում եք «Քվանտ» վարժարան` հաճախելու «ԱՅԱՍ» Տիեզերագիտական ընկերության տիեզերագիտական արտադպրոցական խմբակը:
Խմբակում շեշտը դրված է ամենաարտասովոր ու հետաքրքրաշարժ ուղղու¬թյունների վրա՝ օդագնացություն, ավիացիա, աստղագիտություն և տիեզերագնա¬ցու¬թյուն: Խմբակի անդամները 2 ուսումնական տարվա ընթացքում ծանոթանում են ամեն տեսակ թռչող սարքերի, դրանց աշխատանքի սկզբունքի ու ստեղծման պատմության հետ, ծանոթանում են ամենատարբեր տիեզերական մարմինների, դրանց հետ կատարվող պրոցեսների և ընդհանրապես ողջ Տիեզերքի հետ: Ազատ, հետաքրքիր զրույցի ձևով անցկացվող դասերին նրանք անցնում են ճանաչման նույն ճանապարհը, ինչ որ անցել է մարդն այդ բնագավառներում՝ քարի դարից մինչև մեր օրերը:
Մասնակցելու համար նախնական գիտելիքներ չեն պահանջվում: Խմբակն ԱՆՎՃԱՐ է:
![](https://s2.save4k.ru/pic/NCA9ypBfc6c/maxresdefault.jpg)