şeir: Məhsim
səs: Xəzər Süleymanlı
piano: Vüsal Namazlı

#xezersuleymanli #xəzərsüleymanlı

Unudacam səni

Unutdum səni...
Təkcə saçlarının rəngi qalıb yadımda.
Bir də gözlərinin..
Amma söz verirəm,
Bir gün saçından dırnağınacan unudacağam səni!


Gündüzlər yadıma düşməyəcəksən,
Gecələr girməyəcəksən yuxuma.
Bazar günlərindən zəhləm getməyəcək,
Yazı sevməyəcəyəm daha.
Yağışdan ləzzət almayacağam,
Səni xatırladan mahnılara qulaq asmayacağam,
Yox…
Ümumiyyətlə mahnı dinləməyəcəyəm,
Çünki hamısında sən varsan.

 
Əvvvəllər bəhanə gəzərdim
Guya təsadüfən qarşılaşmamız üçün.
İndi isə rastlaşa biləcəyimiz yerlərdə görünməməyə çalışıram.
Sənin yanından yad kimi keçməyə məcbur qalmayım deyə.
Mən dözərəm.
Məni tanıyırsan axı..
laqeyd də ola bilərəm, biganə də.
Amma bu dəfə sənə verdiyim əzabdan həzz almaq üçün yox.
Başqa məqsədim var,
Unudacam səni...

свернуть