Абдусалом Одиназода, олими биохимики 54-сола аз ҷамоати Сурхи Исфараи Тоҷикистон ва корманди собиқи Донишгоҳи Австралияи Ғарбӣ, ки аз поёни соли 2020 дар ҳабс қарор дорад, рӯзи 1 августи соли 2022 дар додгоҳи ҳавзаи Австралияи Ғарбӣ иттиҳоми даъватҳо ба ҳамлаҳои ифротиро ба гардан гирифт. Дар ин бора сомонаи маҳаллии “The West Australian” . Ин пойгоҳи хабари олими зодаи Тоҷикистонро “яке аз хатарноктарин одамон дар аёлати Австралияи ғарбӣ” номид ва хабар дод, ки намояндаи додситонӣ ба додгоҳ гуфтааст, ки дар ивази ин эътирофи гуноҳ тафтишот ду иттиҳоми дигари марбут ба терроризмро аз парвандаи Одиназода бардошт.
Эътирофи гуноҳ имкон медиҳад, ки парвандаи олими тоҷик ба сурати сареътар баррасӣ шавад. Ва интизор меравад, ҳукми Одиназода алакай дар поёни моҳи ҷорӣ эълон шавад. Ба ӯ бар асоси қонунҳои Австралия то 6 соли зиндон таҳдид мекунад.
![](https://i.ytimg.com/vi/Ncc408M_pcI/maxresdefault.jpg)