Сирияның солтүстігіндегі ауруханалардың бірінің маңында көлік жарылысынан 10 адам қаза тапты. Тағы 50-ге жуығы түрлі жарақат алып ауруханаға жеткізілді. Оқыс оқиға Түркиямен шекара маңындағы Атмех қаласында болған. Бұл өңір Башар Асад қарсыластарының бақылауында. Әзірге болған жағдайды ешкім өз жауапкершілігіне алған жоқ. Жалпы Сирияда 2011-шы жылдан бері жалғасып келе жатқан азаматтық соғыс салдарынан 130 мыңнан астам адам көз жұмған.
