Sonê bi hêviyeke mezin temaşeyî hewşa malê dikir. Dema wê li ordekên di nav baxçeyî de mêze dikir ku bi azadî dijîn û
li nik hev civîyane, dîtina van dîmanan ji bo wê gelekî ji xwarinê xweştir bû.
Sonê, gelek caran çavên xwe datine ser hev û hizir dike ku ew jî bi azadî di nav baxçeyî da diçe û tê yan jî diçe di hêlîna xwe da, li ser hêkên xwe rûdine da ku wan germ bike. Hindek caran jî wê hizir dikir ku di gel dîkî di nav bistan û şînkahîyê da xwarinê dixwe, yan jî diçe ligel ordekan yariyan dike. Lê dema wê çavên xwe vedikirin û ji wan xewnan hişyar dibû, tûşî xemgînî û posîdebûneke mezin dihat.
Ещё видео!