Гъе, ахæм арæхстдзинад æвдисынц кафджыты къорд «Симд»-ы архайджытæ. Уыдонæн ацы дыууæ боны сты ахсджиаг. Жюрийы раз хъуаммæ равдисой се ‘уæнгты рæсугъд азмæлд. Сæхиуыл сæ зæрдæ æппындæр нæ дарынц. Уымæн æмæ сын сæ курдиатæн аргъ кæнындзысты зындгонд специалисттæ. Уыдон сын сæ фæлтæрддзинад æмæ дæсныйады сусæгдзинæдтæ нæ бавгъау никуы кодтой.
Борис Санкин, УФ-йы ансамбль «Ритмы планеты»-йы разамонæг: «Æрдз сын балæвар кодта æгæрон курдиат. Фæлæ сын цæттæгæнæн скъола нæй. Абоны бон хореографи æрмæст уæнгты азмæлд нæу. Хъæуы сын бындурон зонындзинæдтæ раттын. Куыд классикон æмæ нырыккон жанрты. Ахæм скъола республикæйы куы фæзына уæд уый фæсивæдæн тынг хорз хъуыддаг уыдзæн».
Паддзахадон ансамбль «Симд»-ы сконды бахауын фæндыд бирæ æвзонг лæппутæ æмæ чызджыты. Уыдон бирæ рæстæг сæхиуыл куыстой. Жюрийы уæнгтæ фыццаджыдæр артистæй домдтой, цæмæй кафты мидæг раргом кæной сæ миддунейы цы æнкъарæнтæ æмбæхсынц, уыдон.
Докку Мальцагов, Уæрæсейы Федерацийы Сгуыхт Артист: «Мæнмæ гæсгæ ансамблæн райдзаст фидæн ис. Хорз кæстæртæ дзы архайы. Сæрæнæй æнæзивæгæй сæ курдиат æргом кæнынц. Мæ зæрдæ мын балхæдтой уазæгуарзон кæй сты, уымæй. Ахæм зондахастимæ сæ къухы бирæ æнтыстдзинæдтæ бафтдзæн».
Кадджын уазджытæ ма бабæрæг кодтой Хуссар Ирыстоны Хетæгкаты Къостайы номыл паддзахадон драмон театр. Уыдон разыйæ баззадысты бæстыхайы хуызæй. Куыд зæгъынц, афтæмæй ам ис æппæт уавæртæ дæр, цæмæй республикæйы фæсивæд сæ курдиат æххæстæй рæргом кæна.
_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv
![](https://s2.save4k.ru/pic/Nplu-_bdEc8/maxresdefault.jpg)