ՔՈ ՁԱՅՆԸ [ Ссылка ]
ՇՄ ընդհանուր իրավասության առաջին ատյանի դատարանում այսօր մեկնարկելու էր «Արթիկ» քրեակատարողական հիմնարկի կալանավոր Արթուր Այվազյանի ներկայացրած բողոքի քննությունը: Դատապարտյալը բողոքարկում է քրեակատարողական հիմնարկի վարչակազմի որոշումը, որի համաձայն դատապարտյալի նկատմամբ պայմանական վաղաժամկետ ազատ արձակում չի կիրառվել: Այս որոշումը քրեակատարողական հիմնարկի վարչակազմը որեւէ կերպ չի հիմնավորել՝ մեր լրագրողի հետ զրույցում նշել է Արթուր Այվազյանի շահերի պաշտպան Հայկ Ալումյանը: Որոշումն, ըստ նրա, բացառապես թողնված է քրեակատարողական հիմնարկի վարչակազմի հայեցողությանը: Ուստի, ըստ բանտարկյալի եւ նրա փաստաբանի, բացառապես կամայականությունների վրա է հիմնված գործընթացը, ինչը դատարանում փորձում է վիճարկել Արթուր Այվազյանը: Մինչ օրս, ըստ Հայկ Ալումյանի, քրեակատարողական հիմնարկից որեւէ կերպ չեն հիմնավորում որոշումը եւ չեն տալիս որեւէ բացատրություն: Կալանավորն այսօր հայտարարել է, թե ինքնաբացարկ է հայտնում դատավոր Աշոտ Մանուկյանին եւ ներկայացրել է իր հիմնավորումները:
