#oranews #tragedia #himare #skaf #aksident

Kishin ardhur me pushime në Himarë, por familja Avdia u gjend mes një tragjedie të vërtetë mesditën e së martës, 2 gusht 2022.

Ky skaf që shihni në video, i mbushur plot njerëz ka goditur 5-vjeçaren Joanda Bledar Avdia në breg të detit në Potam ku po qëndronte, dhe plagët e shkaktuara i kanë marrë jetën në vend.
Skafi drejtohej nga një efektiv i lartë i policisë, i cili duhet të mbrojë jetën e qytetarëve.

Arjan Tase, shef i policimit në komunitet në Drejtorinë e Elbasanit, dhe ish-shefi i Komisariatit të Himarës po i jepte timonit në momentin e tragjedisë.

5-vjeçarja sipas burimeve është lindur e rritur në Britaninë e Madhe, ndërsa familja e saj janë nga Tropoja, të cilët së bashku kishin ardhur për të kaluar disa ditë pushimi në atdhe, por që panë tmerrin me sy teksa vogëlushja e tyre u godit nga skafi.

Mjeti lundrues i drejtuar nag Tase, është i llojit gomone, rreth 7 metra e gjatë dhe për ironi mban emrin “Nëna 154”.

Mësohet se në vendin ku ka ndodhur ngjarja nuk ka patur korridor të miratuar për hyrjen dhe daljen e mjeteve lundruese.

Pak minuta pas ngjarjes së rëndë ka reaguar edhe Agjencia e Mbikqyrjes Policore e cila tha se “ pas marrjes dijeni të ngjarjes së rëndë të ndodhur në plazhin e Potamit, ku shtetasi Arjan Tase me gradën Komisar dhe me detyrë Shef i Seksionit të Policimit në Komunitet në Komisariatin e Policisë Elbasan, ka goditur për vdekje një fëmijë 5 vjeç ndërsa drejtonte një mjet lundrues, Agjencia e Mbikëqyrjes Policore nën drejtimin e Prokurorisë së Rrethit Gjyqësor Vlorë ka ngritur menjëherë një grup të posaçëm hetimor për hetimin dhe zbardhjen e plotë të kësaj ngjarje.”

Prania e mjeteve lundruese në breg të detit është kthyer në një shqetësim serioz për pushuesit, ndërsa si qytetarët edhe media, disa herë ka denoncuar raste të tilla, por duket se institucionet janë të pafuqishme për të marrë masa.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть