Қазақстанда 1921-22 және 1931-1933 жылдардағы ашаршылық, 1936-1938 жылдардағы сталиндік репрессия тақырыптары талқыланып тұрады. Бұл мәселелер қоғам үшін, зерттеушілер үшін жабық па? AzattyqLIVE тікелей эфирінде осы тақырып талқыланады. Хабар қонағы - ашаршылық пен репрессия кезеңі туралы деректі фильмдер түсіріп, зерттеп жүрген журналист Жанболат Мамай.
30 қаңтар күні Алматыдағы "Арман" кинотеатрында журналист Жанболат Мамайдың 20-ғасырдың бас кезінде Қазақстанда болған ашаршылық туралы деректі фильмі көрсетілді.
Бір сағат 25 минутқа созылған деректі фильмді көруге бірнеше мың адам жиналды. Бес бөлімнен тұратын "Зұлмат" деректі фильмінде қазақстандық тарихшылардың 1921-1922 және 1931-1933 жылдардағы екі ашаршылық және оның себептері жайлы нақты деректері рет-ретімен көрсетілген.
Қазақстанда бұл кезеңдерді зерттеген ғылыми еңбектер де, әдеби шығармалар да, кино-телетуындылар да бар. Алайда қоғам ішінде бұл тақырыптар төңірегінде айтыс-тартыс, пікірталастар да туындап қалады. Ашаршылық пен репрессия кезеңіндегі кей тұлғалардың саяси орны туралы архив құжаттарын көру қиындығы да кездеседі.
Азаттықтың Алматы студиясындағы AzattyqLIVE сұрақтарына – «Зұлмат» фильмінің авторы, журналист Жанболат Мамай жауап береді. Сауалдарды Азаттықтың әлеуметтік желідегі парақшалары арқылы жолдауға болады.
Бізге жазылыңыздар:
Фейсбук: [ Ссылка ]
ВК: [ Ссылка ]
Твиттер: [ Ссылка ]
Телеграм: [ Ссылка ]
