AsekoseNews-Գառնու տաճարի տարածքում անցկացվելու է էլեկտրոնային երաժշտության փառատոն, որի համար անհրաժեշտ է պետական գնում իրականացնել՝ 6 մլն դրամ տրամադրել փառատոնը կազմակերպող ընկերությանը։ Այս մասին կառավարության նիստի ընթացքում հայտնեց մշակույթի նախարարի տեղակալ Տիգրան Գալստյանը։
Նա բացատրեց, որ այդ կազմակերպությւնը տարեկան 20 փառատոն է անցկացնում այնպիսի վայրերում, ինչպիսիք են ՆյուՅորքի Ազատության արձանը, Փարիզի Էյֆելյան աշտարակը և այլն։ Գալստյանի խոսքով՝ Գառնիում այդ փառատոնի անցկացումը թույլ կտա միլիոնավոր մարդկանց տեղեկացնել այս հուշարձանի գոյության մասին ու ապահովել զբոսաշրջիկների հոսքն այնտեղ։
Վարչապետ Նիկոլ Փաշինյանը հաստատեց, որ իրեն նույնպես տեղեկացրել են, որ փառատոնն անցկացնող կազմակերպությունը լուրջ զբոսաշրջային հոսք է իր հետ բերում։
Հարցն ընդունվեց կառավարության նիստում․ համաձայնեցվեց 6 մլն դրամի տրամադրումը։
#thegovernmentofArmenia #Armenia #Government
![](https://i.ytimg.com/vi/O-Ds9Nm_JxY/maxresdefault.jpg)