«Жібек жолы» плазасы. EXPO-2017 кешенінде дәл осылай аталатын ерекше павильон бар. Онда негізінен жасыл технологияға енді бет бұра бастаған елдер орналасқан. Тәжікстан, Ауғанстан секілді.
Тәжікстан – Орталық Азиядағы теңізге шығар жолы жоқ ел. Ауған, қырғыз, өзбек, қытайлармен шекаралас мемлекет ежелден Ұлы Жібек Жолының тарихи тоғысы. Орталық Азия өзендері бастауларының 60 пайызы орналасқан Тәжікстан 95 пайыз су энергиясын тұтынады. Сағатына 527 млрд кВт қуат өндіретін қауқары бар. Әзірге мұның 4-5 пайызы ғана игерілген. Су қуатының көптігі бойынша әлемде 8 орында.
