Şeir: Vaqif Bayatlı Odər - Səni sevmək istəyirəm
Səsləndirmə: Kamran Yunis
Biraddımla'ya YouTubeda abunə olmaq: [ Ссылка ]
Biraddımla'nın sosial şəbəkə ünvanları:
Instagram: [ Ссылка ]
Facebook: [ Ссылка ]
TikTok: [ Ссылка ]
Telegram: [ Ссылка ]
E-poçt: biraddimlayol@gmail.com
VAQİF BAYATLI ODƏR - SƏNİ SEVMƏK İSTƏYİRƏM
Dünyanın ən güclü adamı
ola da bilmərəm,
olmaq da istəmirəm.
İstəmirəm bir kimsə
mənimlə qorxuda bir kimsəni.
Dünyanın ən varlı adamı
ola da bilmərəm,
olmaq da istəmirəm.
Mənə ən böyük dünya varı
qapı,pəncərəsi açıq
üzü-gözü gülən bir alaçıq!
Mən səni, mən səni
Dünyada hamıdan çox
sevə də bilmərəm,
sevmək də istəmirəm,
çünki ancaq yalandan sevənlər
hamıdan çox sevirlər.
Mən səni sakitcə, yavaşca
sevmək istəyirəm.
Sevmək istəyirəm Tanrıdan yazılantək,
Bir balaca quş
Öz balaca yuvasının
küncünə qısılantək.
Vaqif Bayatlı Odər:
..." Hamı məni dəli hesab edirdi. Atama da başa salırdılar, dəlidi, bunu dəlixanaya qoymaq lazımdı. Üç-dörd dəfə universiteti atmışam. Baxmayaraq ki, atam müdrik adam idi, bir-iki dəfə məni psixiatra aparıb göstərmişdi. Amma anam inanırdı mənə.
Elə atamın xətrinə getdim İnşaat İnstitutuna. Amma bir ildən sonra ordan zəhləm getdi. Təxminən 10 ilə bitirdim oranı. Ancaq heç vaxt heç kimdən asılı olmamışam, özüm çalışıb işləmişəm, hər işlə məşğul olmuşam. Fəhləlik, suvaqçılıq eləmişəm, fabrikdə, zavodda işləmişəm. Orda çalışan ermənilərə divan tuturdum. Dəfələrlə məni buna görə həbs etmək istəyiblər, amma KQB-də millətçi, vicdanlı adamlar vardı, xilas edən tapılırdı. Həm də mənə elə gəlir, gərək özün hədsiz təmiz olasan ki, İlahi qüvvə səni qorusun...
Mənim kimi həyat yaşayanlar adətən qəzəbli olurlar, amma mən həmişə nikbinəm. Həyatdan zövq alıram. Sevgi mənim canımdadı. Yerə uzanıb gülə-gülə, sevgiylə ulduzlara baxırdım. Fikirləşirdim ki, yəqin kimsə də orda uzanıb mənə baxır. Heç vaxt pul qazanmaq ehtirasım olmayıb, buna həmişə pis baxmışam.
İlk dəfə radiodan 200 manatdan çox qonarar almışdım. O pulu götürəndə özümü təhqir olunmuş saydım. Mənə elə gəldi ki, istedadımı satıb almışam bu pulları. O pulu elə həmin gün xərcləyib, paylayıb dağıtdım. Beləcə, çox rahat oldum və yenə davam etdim “köhnə həyatıma”..."
#vaqifbayatlıodər #senisevmekisteyirem #kamranmyunis #biraddimla #biraddimlayol
![](https://i.ytimg.com/vi/O2Bqhj69H-0/maxresdefault.jpg)