Այսօր ժամը 10:17-ին Կապան քաղաքից 5 կմ հյուսիս-արևմուտք, Սեյսմիկ պաշտպանության ծառայության սեյսմոլոգիական ցանցի կողմից գրանցվել է 3.9 մագնիտուդով երկրաշարժ։ Ստորգետնյա ցնցման ուժգնությունն էպիկենտրոնում կազմել է 5 բալլ:
Երկրաշարժը զգացվել է Կապան քաղաքում՝ 5 բալլ, Գորիս և Քաջարան քաղաքներում՝ 4-5 բալլ ուժգնությամբ: Երկրաշարժին հաջորդել է 3.3 մագնիտուդ ուժգնությամբ մեկ հետցնցում: Նախնական տվյալներով` ավերածություններ չկան:
