#جديد #حصري
شيلة #طرح_الحماد

يالله يامنشي المزون المراويح
تشيل حظً من عنا الوقت طايح

اقفى اكتوبر في وساع الصحاصيح
ولا لاح لي من عينة الطير لايح

حتى الحمام من الشبك فيه تجريح
ومن الدروب الجيب جر النوايح

في كل راس اسبوع يحتاج تصليح
طشير زيته // كـنه الـدم سايـح

عسى خلفها فرخةً تسبق الريح
خواتها بالوقت هذا !! شحايح

تغنيك عن رقي الرجوم المدوايح
لاشفت مدمعها تهيض القرايح

حمرا يشادي صدرها يابس الشيح
ناشه طشاش رشاش والوسم رايح

والظهر صواننً بعنقا // صلافيح
سنوا به الاجواد /// موس الذبايح

وكفوفها تشبه جلود التماسيح
فرخ العقاب لصيدها مايلايح

من مخلبً للخرب دكتور تشريح
يفرا النحر لو حال دونه صفـايـح

طرح الحماد ولا اندعت بالملاويح
ولاسجلَت من قبل وسط اللوايح

ماتشبه الا طرح نسل الزحازيح
السيل كساب الثنا والمـدايـح

اليا اعرضت لي طايره شبه تلميح
في حروة الارقط بذيك المسايح

عارضتها في زاجلً بعد تجنيح
وراحت هواء قبل الرعاف يتطايح

اضفها ومن الفرح ودي اصيح
واعلن على الكنود لكل الشرايح

واصدر عوض جبار عنها تصاريح
واعطى سعد ملوح فيها منايح

مزادهم ماهو بيحتاج توضيح
صيته سواة العود بالطيب فايح

في مربط السلطان رفعه وترجيح
يعطى عليه من النشاما نصايح

من فرحتي فرحوا جميع الطواريح
وانزاح همً وسط الاضلاع جايح


كلمات الشاعر : #فارس_سلطان .
سناب الشاعر : Snap : f_alnmes

اداء المنشد : #جزاع_المري .
سناب المنشد : Snap : W_jneyh

إهداء لمركز السلطان للصقور .

свернуть