Американың орталық және оңтүстік штаттарында су тасқыны жүріп, дауыл тұрып тұр. Табиғи апат салдарынан 3 адам ажал құшқан. Қаза тапқандардың арасында 2 жасар нәресте бар.
Төтенше жағдай толассыз жауынның кесірінен болып отыр. Соңы «Билл» атты күшті желге ұласып, жергілікті тұрғындарды әбігерге салып жатыр.
АҚШ-та мамыр айында алапат су тасқыны жүріп, 40-қа жуық адам көз жұмғанын айта кетейік.
Алай-дүлей қатты дауыл, нөсерлі жаңбыр Семей өңірінде де болды. Мұнда желдің жылдамдығы бастапқыда секундына 25 метрге дейін, кейін 35 метрге дейін жеткен. 10 адам дәрігерлерге көрініп, 2-еуі ауруханаға жатқызылды.
Бұдан бөлек 11 мектеп, 3 мәдениет нысаны, 40-қа жуық жер үйге айтарлықтай зақым келді. Жоғарғы кернеулі электр желілері істен шыққандықтан, сол жағалауда толық жарық болмай қалды. Абырой болғанда адам шығыны жоқ.
