Composed and produced by Professor Wole Soyinka in 1983.
Chairman wetin you dey find for home, we think say you still dey oversea. Ha i forget, it's getting near the time, for a meeting of all the shareholders
Chairman, you sabi waka o, we look for you from Tokyo to New York, Bulgaria, dem say you just commot, your executive jet pass us for Argentina
Ha Chairman, this meeting go hot o. Your directors don chop all we money while you dey shake hands with Kings and Presidents, your business partners don shake the treasury loose.
Each time dey sneeze million of naira go scatter. When they snore the banki sef go shake. Mobilization fee is the order of the day. The Contractor collect, take we money and run away.
My eyes wonder the other day for Yola. When your directors meet for society wedding. Private jet and helicopter na the fashion, Mercedes na dash for their favourite singer.
40 aeroplane, all private, flying the guests, each director and wife spray at least twenty thousand. When moni finish at midnight they open the bank for brand new naira to continue their lovely spray.
H! Chairman palaver dey o. For this general meeting of all shareholders. While you dey hobnob with Kings and Presidents, your Company directors don labe tan.
You say you fit to be Chairman, you lobby to be Chairman, You say you go try for me o. You swear you go try for me o. Make me sef l tanda small. Make l get small sugar for my tea.
Se mi jeje...
Chairman, dis naira be like you. Both of you dey waka so so tey, while you dey toast Kings and Presidents, common garri don become luxury.
Hen! Chairman no to say l vex o, l be just a common shareholder. I never say l want butter for my bread. I fit to drink my tea without sugar.
Hem hem, but Chairman something dey worry me. Dis naira e still be naira so, the thing one naira fit buy yesterday, twenty naira no fit buy am today.
I never tell you Tori for London Airport. When the customs grab your company's director. 6 million naira dem find inside im briefcase, crisp, anew straight from a naira mint.
"Your Excellency" dem give am the proper title. You be mobile bank or Nigerian mint in transit?
Your director laugh, e laugh e nearly collapse, e say small boy make you no waste my time. For this small portmanteau na im dey open your mouth? Na ship container others dey take load cash
London or Frankfort dey give us foreign exchange. They love our Naira so wetin be your concern. When we don do our shooping to satisfy our status, minor luxury like private jet.
The same naira at double devaluation, returns by container to where it started from.
Chorus: We are friends with the bank of England and all of Europe and the good old US of America
Shareholder take your time you hear. Why you dey shout so come in and shut the door. If na matter of butter dey worry you, i go filly your mouth with cake and jam.
Shareholder you no wan chop? There is still room in the company caucus. Your chicks go robust till like we very own, cake and honey and sugar for your tea
Abi you wan suffer forever , abi you wan kuse forever, abi you no want own to better , or you no wan to ride mercedes. Come in then i shut your mouth, make l put some sugar for your tea.
Se mi jeje...
Chairman, e don spoil from the start. That time you choose your legal adviser. He tell you say na bribery he sabi, still you give am the job of super skill.
Another director is a wanted man, e commit rape for Washington DC. He run come home and you give am bigger post as director of a chain of newspapers.
Chairman what of iron and steel wey you tell us big profit go commot. 2.1 billion na im you spend so far, e don vanish for inside Kainji dam.
How many billions you spend to clear the bush, where you say you wan grow food for chop, soil erosion na im alone dey grow, common farmer do better on im own.
How many l go talk o, how many many l fit shout o. What of that 2.8 billion wey you take play hide and seek o. Make you take yourself commot, unless you give me my share of 2.8
Se mi jeje...share the gari
Se mi jeje...share the gari
