Ministri i Financave, Ervin Meta, njoftoi këtë të mërkurë se Këshilli i Ministrave miratoi vendimet që detajojnë rritjen e pagave për të gjitha kategoritë e parashikuara në buxhetin e këtij viti.
Ministri Mete tha se pagat e rritura në administratë fillojnë të aplikohen në 6 mujorin e dytë të këtij viti, pra nga 1 Korriku. Po ashtu përllogaritet që nga zbatimi i kësaj politike paga mesatare në sektorin publik të arrijë në 105 mijë lekë.
“Kam kënaqësinë t’ju njoftoj se sot në Këshillin e Ministrave miratuam vendimet specifike që detajojnë rritjen e pagave për të gjitha kategoritë e parashikuara në buxhetin e këtij viti. Me miratimin e këtyre vendimeve avancojmë fazën e dytë të politikës së rritjes së pagave e cila siç e dini ka nisur në vitin 2023 dhe nga e cila përfitojnë rreth 135 mijë punonjës të administratës shtetërore publike. Përmes zbatimit të kësaj politike paga mesatare në sektorin publik arrin në 105 mijë lekë. Pagat e rritura fillojnë të aplikohen në 6-mujorin e dytë të vitit, pra duke filluar nga 1 Korriku me një kosto të përllogaritur prej 11 miliardë lekësh për 6 mujorin e dytë të vitit 2024 dhe me një kosto totali buxhetore prej afro 40 miliardë lekësh duke filluar nga viti 2025”, tha Meta.
Nga kjo politikë përfitojnë punonjësit e sistemit arsimor parauniversitar, punonjësit e sistemit shëndetësor, punonjësit e sistemit të sigurisë së vendit, pra Policia e Shtetit, Policia e Burgjeve, Garda e Shtetit, Forcat e Armatosura, mbrojtja nga zjarri dhe shpëtimi si dhe punonjësit e nivelit zbatues dhe mbështetës të administratës shtetërore.
“Me ndryshime ligjore të miratuara parashikohet indeksimi i të gjitha pagave në administratën publike, indeksim që do të realizohet në vazhdimësi për çdo dy vjet dhe siguron që rritja e pagave të jetë vijuese me normën e inflacionit”, shtoi në fund Mete./tvklan.al
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
