قصيدة من كلمات وأداء فهد بن فصلا
مهداة إلى سعادة الوجيه
محمد بن زايد الخيارين
__________
———
الحماس الشاعري واصلً حده
شوشو على البيوت الحماسيه
استلم ياسيف مرسالي ووده
صوب بحر الجود زبن الجلاويه
صفوت شيوخ العرب راهي المده
اكرم شيوخ الشعوب الخليجيه
ابو لهيمد مواقيفه مسده
شب ناره بالفعول البطوليه
نفخر بمجد الخيارين ونعده
ونتباها فيه بين الكباريه
والله انه ذخر خلان الاشده
في الكويت وفي قطر والسعوديه
اصوكً لاعدو الروس من قده
يقلط امع الحاكم بقو شخصيه
كم مقامً فيه الاعصاب منشده
وارتكاله باليمين الرهاويه
مايقصّر في مواقف ضنا جده
بالقبال الزين والوقفه الحيه
من نصاه ووقته الشين محتده
فز له فزة جدوده ضحى الهيه
في محمد نحتزم ساعة الشده
من دهاه الصعبه تصير عاديه
يستطيع يضلل العارض بيدّه
وتمطر من الجود همال وسميه
شوق مكحول الهدب صافي الخده
في ذراه امجاد الاجداد محميه
هاجريً ينطح الضلع ويهده
الطناخه فيه ميّه على ميّه
كلنا له محزم ً ممتلي عده
دونه صفوف الهواجر حماويه
صيت خلان الاشده هل الرده
ساطعً مثل النجوم السماويه
خصمنا لو شايبه منتقي جده
نطرحه من فوق كور العمانيه
الهواجر جمعهم ماحدً ضده
حربهم مافيه رحمه وماويه
