«Даму» кәсіпкерлікті дамыту қоры» АҚ-ның Қызылорда облысы бойынша аймақтық филиалы қор жүзеге асырып жатқан мемлекеттік қолдау бағдарламаларды, шараларды таныстыруу мақсатында «Ашық есік күнін» өткізді.
Қазіргі таңда «Даму» қоры елімізде шағын және орта бизнесті дамыту мақсатында бірқатар мемлекеттік бағдарламаларды жүзеге асыруда. Қазақстан Республикасы Үкіметінің 2022 жылғы 2 ақпандағы №43 қаулысымен Кәсіпкерлікті дамытудың 2021-2025 жылдарға арналған ұлттық жобасы аясында субсидиялау және кепілдік беру қағидалары бекітілген. Бағдарлама аясында «Даму» Қорынан жалпы сомасы 6,0 млрд теңгені құрайтын 475 жобаға кепілдік берілді. Айта кетейік, «Даму» қоры мемлекеттік қолдаудың кешенді және тиімді құралдарын енгізу арқылы Қазақстандағы шағын және орта кәсіпкерліктің тұрақты дамуын қамтамасыз етуге арналған квазимемлекеттік қаржы институты болып табылады. Сондай-ақ, «Даму» Қоры екінші деңгейлі банктер мен микроқаржы ұйымдарында қаражатты шартты түрде орналастыру үшін жеңілдетілген қаржыландыруды, пайыздық мөлшерлемені субсидиялауды және несиеге кепілдік береді. Пайыздық мөлшерлеменің бір бөлігін субсидиялау шарттары бойынша кәсіпкерлер жобалық несие бойынша пайыздық мөлшерлемені төмендетіп, сәйкесінше ай сайынғы төлемдерін де азайта алады.
СНХ: АЛИМХАН ТІЛЕУЖАНОВ "ДАМУ" КӘСІПКЕРЛІКТІ ДАМЫТУ ҚОРЫ" АҚ ҚЫЗЫЛОРДА ОБЛЫСЫ БОЙЫНША ФИЛИАЛЫ ДИРЕКТОРЫНЫҢ ОРЫНБАСАРЫ
![](https://s2.save4k.ru/pic/OjBvtuCrF8M/mqdefault.jpg)