Մայիսի 16-ին Մուսա լեռում կմեկնարկի տոլմայի փառատոնը։ Այս միջոցառմամբ Հայաստանում կսկսվեն զբոսաշրջային փառատոնները։ Հունիսից մինչեւ հոկտեմբեր Հայաստանի տարբեր մարզերում կանցկացվեն նաեւ խորովածի, ձկան, թթի, գինու եւ այլ փառատոններ։
Փառատոններն անցկացվում են արդեն 7-րդ տարին անընդմեջ։ Այն ամեն տարի ավելի ու ավելի շատ զբոսաշրջիկների է բերում Հայաստան՝ նշում է էկոնոմիկայի նախարարության զբոսաշրջության վարչության պետ Մեխակ Ապրեսյանը. «Կոնկրետ փառատոնի համար թվեր չունենք, բայց օրինակ 2014 թվականին Հայաստան այցելող զբոսաշրջիկների թիվը ավելացել է 11,3 տոկոսով, դա մոտավորապես 120,000-ով ավել է 2013 թվականից։ Ի թիվս մի շարք գործոնների այս փառատոնները նույնպես մեծ ազդեցություն ունեն ցուցանիշի բարելավման վրա»։
![](https://i.ytimg.com/vi/Ojvpe4QaIAg/maxresdefault.jpg)