ՔՈ ՁԱՅՆԸ [ Ссылка ]
Այսօր Շիրակի մարզի ընդհանուր իրավասության դատարանում շարունակվել է Գյումրու նախկին քաղաքագետ Վարդան Ղուկասյանի եղբորորդու՝ Վահե Ղուկասյանի դեմ հարուցված քրեական գործի քննությունը: Նրա դեմ մեղադրանք է առաջադրվել ապրիլի 23-ին Գյումրու Շիրակացի փողոցում տեղի ունեցած փոխհրաձգության գործով: Ըստ մեղադրանքի՝ ամբաստանյալը դեպքի օրը ապօրինի կերպով ձեռք բերված եւ իր մոտ պահվող հրազենով փորձել է կյանքից զրկել Քավոր Հարութ մականունով հայտնի Հարություն Խաչատրյանին, սակայն իր կամքից անկախ հանգամանքներով չի կարողացել հանցագործությունն ավարտին հասցնել ու կյանքից զրկել է Շեկո մականունով հայտնի Արտյոմ Կարապետյանին: Այսօր դարձյալ շարունակվել է գործով վկաների հարցաքննությունը: Դատարանում ցուցմունք են տվել Շիրակացի փողոցում գտնվող «Ցածր գներ» վաճառատան երկու աշխատակիցներ: Նրանցից Նարինե Բարսեղյանը նշել է, թե դեպքի օրը՝ ապրիլի 23- ին, եղել է աշխատավայրում, կեսօրին լսել ինչ-որ ձայներ, սակայն ավելի ուշ է դուրս եկել խանութից, տեսել համախմբված մարդիկ եւ խառը իրավիճակ, հետո տեղեկացել է, որ կրակոցներ են հնչել: Հետո հարցաքննվել է նույն վաճառատան աշխատակցուհի Անահիտ Մկրտչյանը: Նա դատարանում հայտարարել է, թե լսել է կրակոցների ձայներ, դեպքի վայրում նկատել սեւ գույնի մեքենա եւ բարձրահասակ շիկահեր մի տղամարդու: Մեղադրող դատախազը հակասությունն է արձանագրել վկայի նախաքննական ու դատական ցուցմունքներում եւ միջնորդություն ներկայացրել՝ հրապարակելու Անահիտ Մկրտչյանի նախաքննական ցուցմունքները:
![](https://s2.save4k.ru/pic/Okns6VYkrjc/mqdefault.jpg)