Соңғы алты жылда Сириядағы қақтығыстар салдарынан 300 мыңға жуық бейбіт тұрғын қаза тапты. Үй-күйсіз, аш-жалаңаш қалған, бас сауғалап, босып кеткендері қаншама.

Елдің батысындағы кей аудандарда қазір де кескілескен шайқастар жүріп жатыр. Ел астанасы Дамасктің тұрғындары 28 күннен бері ауыз сусыз отыр.

Айештің Таразды мекен еткеніне биыл 4 жылдың жүзі болды. 2013 жылы Сириядан отбасымен Қазақстанға көшіп келген. «Қанды қақтығыстың ортасында бала-шағамнан айрылып қаламын ба» деген қорқынышы бүгінде сейілгенімен, көз алдында жазықсыз жандардың жан тапсырған сәтін ұмыта алар емес.

Таразға қоныс аудармаған жағдайда солардың күйін кешер ме едік деген ой оны жиі мазалайды.

свернуть