Binigyang-diin ni Sen. Imee Marcos ang kanyang pagtutol sa iminungkahi ng Department of Finance (DOF) na babaan o tanggalin ang ipinapataw na taripa sa mga imported na bigas.

Dumalo siya sa isinagawang protesta ng grupo ng magsasaka sa harapan ng opisina ng DOF nitong Martes, September 26 upang ipakita ang kanyang suporta sa pagtutol dito.

Aniya, dapat gawing prayoridad ang lokal na produksyon bago ang pag-aangkat, bagay na kumpiyansa siyang papaboran din ng kanyang kapatid na si Pres. Bongbong Marcos.

Inalala din niya ang kanyang amang si dating pangulong Ferdinand Marcos Sr. na may pagpapahalaga aniya sa lokal na produksyon ng bigas.

"Para sa aking ama, ang bigas ay talaga namang hindi lamang pagkain. Para sa kaniya, [ito ay] pagkatao... ‘pagkat walang dignidad ang kumakalam ang tiyan." #News5

Follow News5 and stay updated with the latest stories!

Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok: [ Ссылка ]
Website: news5.com.ph

свернуть