Քարանձավը գտնվում է Արփի-Մոզրով ճանապարհից շուրջ 2 կմ հեռավորության վրա՝ սարի վերեւի հատվածում։ ՊՄՊ ծառայության ներկայացուցիչներն ու կամավորները մեծ դժվարությամբ են կարողացել վերեւ բարձրացնել տեխնիկան, շինանյութը, շուրջ 90 լիտր ջուր։
Սա փաստորեն «Պահպանություն ծառայության» ՊՈԱԿ-ի եւ «Թռչկան քաղաքացիական նախաձեռնության միջեւ նախորդ շաբաթ ձեռք բերված պայմանավորվածության լավագույն ապացույցն է։ Գործակցության հիմնական նպատակը՝ հուշարձանը լավագույնս պահպանելն ու այնտեղ մարդկանց անօրինական մուտքը, ինչպես նաեւ՝ քարանձավը վնասելը բացառելն է։
