ألا ياوجودي وجد عودن طريح فراش
ولاله من الشغله سوى جر وناته..
غزوه العرب غفله وغارو على الأدباش
ولاعاد به شده يدور لمن جاته..
وصوت على ربعه ولكن ربعه ماش
ومن حر مابه بل خده بدمعاته..
طراله زمانن فيه ياما غبش مغباش
وياما حما ذوده من القوم لاجاته..
وثم جرها ونه لوأنه سمعها لاش
تعزوى وركب الخيل ثم رد نوقاته..
ياوجد حالي وجد شيخن غدا فراش
كريم البلا منه ومن طيب مداته..
جفوه العرب كلن وحتى القريب انحاش
وهو خابر انه قد نفعهم بوقفاته..
ألا ياحضوض الطيب لقيني مقفاش
ترى الزين قفا والسهر ذي بداياته..
يقولون لي أصبر ترى من صبر يعتاش
وأقول البلا فالي قطار الفرح قد فاته..
ويقولون لاتبكي على واحدن غشاش
وأقول الزمن غشاش والكذب مشهاته..
يقاصدني الفرحه وهمي يجيبه كاش
ونوبه يطوف قصد ويشح فرحاته..
((..ترى ياعيوني مايفيدش كثير بكاش
على واحدن قفى وقطع علاقاته..
وألا ياقدم سيري عساها تفيد خطاش
على ديرتن فيها هي آخر ملاقاته..
ترى القلب ماينبظ ويحتاج له انعاش
يجوز أصدفه والقاه وتزيد دقاته..))
للشاعر بخيت البريدي المري....
