Prej më shumë se 40 ditësh, mbreti i lojërave të fatit, Vis Martinaj është zhdukur.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij, ndërsa kreu i Partisë Demokratike, Sali Berisha tha para gazetarëve se Rama e di ku ndodhet mbreti i lojërave të fatit dhe akuzoi prokurorinë se nuk po vepron.

Vis Martinaj është me origjinë nga Mali i Zi. Ai ka lindur në Burrel dhe më pas është vendosur në zonën e Fushë-Kuqes.

Studimet i ka kryer në Itali dhe më pas u kthye në Shqipëri për t’iu futur biznesit të lojërave të fatit.

Për këtë biznes ai kishte edhe licencë. Vis Martinaj nuk është historia e një djali të thjeshtë që u përfshi befas në biznes. Ai vinte nga një familje me potencial ekonomik.

Në vitin 2013, emri i tij u lakua për herë të parë për vrasjen e Ervin Docit. Emri i doli sërish në skenë në vrasjen e ish-Bllokut në vitin 2018. Ai u arrestua për pak kohë dhe u lirua sërish.

Në akt-ekspertizën e autoriteteve izraelite është thënë se Vis Martinaj kishte video, audio dhe mesazhe të shkëmbyera me njerëz të rëndësishëm dhe kjo besohet se ka qenë arsyeja që e mbante bosin e lojërave të fatit të paprekur nga drejtësia.

Përmes shantazhit dhe presionit ndaj pushtetarëve dhe biznesmenëve, ai ia dilte të kishte gjithçka nën kontroll.

Vis Martinaj është baba i 4 fëmijëve. Burime për Euronews Albania bëjnë me dije se familja e tij i ka hequr fëmijët nga shkolla ku mësonin në Tiranë për arsye sigurie.

Nuk dihet nëse familja e bosit të lojërave të fatit është marrë në mbrojtje nga autoritetet.


Ndiqni faqen tonë zyrtare të internetit [ Ссылка ] për t’u informuar mbi lajmet kryesore nga vendi, rajoni dhe bota.

Abonohuni në kanalin tonë në YouTube: [ Ссылка ]
Na ndiqni në Instagram: [ Ссылка ]...
Facebook: [ Ссылка ]
Twitter: [ Ссылка ] #now#vismartinaj#euronewsalbania

свернуть