2016թ․-ի «Կրթության մասին» ՀՀ օրենքում փոփոխություններ կատարվեցին և սահմանվեց «կրթության որակ» հասկացությունը։ Որքանո՞վ է օրենսդրական ձևակերպումը համապատասխանում միջազգային չափանիշներին (ՅՈՒՆԻՍԵՖ-ի ու ՅՈՒՆԵՍԿՕ-ի չափորոշիչներին) և որքանո՞վ է օրենքով սահմանված չափելի արդյունքի ձեռքբերումը լիարժեք իրատեսական այս փուլում ՀՀ-ում։

ՀՀ-ում կրթական համակարգը հիմնականում ուսուցչակենտրոն է, որը օտարում է սովորողին կրթությունից, ինչ-որ առումով հակասության մեջ է մտնում կրթության ներառական, մասնակցային սկզբունքների հետ։ Որակյալ կրթության իրավունքի արդյունավետ իրացման պայմաններում կարծում եմ անհրաժեշտ է աշակերտակենտրոն մոտեցումը, խնդրում եմ նշեք ի՞նչ է սա նշանակում պրակտիկ իմաստով։

Որո՞նք են որակյալ կրթության իրավունքի իրացման հիմնական խոչընդոտները և ի՞նչ օրենսդրական ու ինստիտուցիոնալ փոփոխություններ են անհրաժեշտ կրթության որակի սահմանումը կյանքի կոչելու համար։

Ինչպիսի՞ տնտեսական և սոցիալական պայմաններ են անհրաժեշտ, որպեսզի որակյալ կրթությունը հասանելի լինի բոլորին՝ անկախ նրանց սոցիալական և տնտեսական կարգավիճակից։

Ինչպիսի՞ մեխանիզմներ կարելի է ներդնել, որպեսզի կրթական անհավասարությունները հաղթահարվեն։

Որքանո՞վ է ուսուցիչների մասնագիտական վերապատրաստումը համապատասխանում միջազգային չափորոշիչներին։

«Ձեր փաստաբանը» հաղորդման հյուրը Կրթության ու սոցիալական քաղաքականության հարցերով փորձագետ, Դյուկի համալսարանի մագիստրոս միջազգային զարգացման ու սոցիալական քաղաքականության ու հետազոտության ոլորտում Գոհարիկ Տիգրանյանն է։

свернуть