«Պարտվողը իրենից զատ՝ բոլորին մեղադրում է, - ասել է ռուս հայտնի հաղորդավար Վլադիմիր Սոլովյովը: Ես ասել և ասում եմ՝ Արցախը հայկական է: Ես ասել և ասում եմ, որ Լեռնային Ղարաբաղի բանակն ու ժողովուրդը խիզախորեն կռվել են: Դրա համար ադրբեջանցիներն ատում են ինձ։ Նա նաև հավելել է, որ, եթե նույնիսկ ադրբեջանցիների կողմից կռվել են թուրքերը, սիրիացի ահաբեկիչները, նրանք կատարել են իրենց առջև դրված խնդիրը: Այո, ես կտրուկ դեմ եմ ՆԱՏՕ-ի բանակի օգտագործմանը: Այդ փաստը հակասում է մեր ազգային շահերին: Բայց խոսքն Ալիևի դիրքերից հարցին նայելու մեջ է: Նրա առաջ խնդիր է դրված եղել, նա կատարել է այն: Փաշինյանի առաջ դրված է եղել խնդիր, ու նա ամբողջովին տապալել է այն, - նշել է Սոլովյովը:
Իր հերթին՝ Վլադիմիր Սոլովյովին հյուրընկալված ռուս ռազմական փորձագետ Ալեքսեյ Լեոնկովը նշել է․
«Բառերով ամեն ինչ գեղեցիկ էր հնչում։ Արցախից ռումբեր, փամփուշտներ էին խնդրում, անհրաժեշտ տեխնիկա, համազարկային կրակային համակարգերի գծով մասնագետներ, սակայն ոչինչ չէր հասնում Արցախ»։ Լեոնկովը նաև հավելել է, որ սկսած 2018 թ-ից՝ Հայաստանը ստացել է բավականաչափ քանակով զենք-զինամթերք, սակայն միևնույն ժամանակ՝ Թուրքիայի հետ ինչ-որ գործարքների է գնացել: Ստացվում է՝ Հայաստանից Թուրքիայի միջոցով զենք է մատակարարվել սիրիացի ահաբեկիչներին: Այսինքն՝ այնտեղ նրանք փող էին աշխատում, իսկ Արցախին ոչինչ չէր հասնում»,- նշել է ռազմական փորձագետը: Հաջորդիվ Սոլովյովը ցույց է տվել փաստաթղթեր և նշել, որ հավանաբար Ալեքսեյ Լեոնկովը հենց տվյալ գործարքների մասին է խոսում: Վերջինս հաստատել է Սոլովյովի դիտարկումը:
Նյութի աղբյուր՝ aravot.am, 1in.am.am
#lurer #adrbejan #turkia #hayastan #rusastan #erdoxan #aliev #arcax
![](https://s2.save4k.ru/pic/POpDEKtvX_s/maxresdefault.jpg)