İctimai fəal Fatimə Mövlamlı təkbaşına piket keçirib. O, 30 dekabrda metronun 28 may stansiyasının çıxışında Mehman Hüseynov və digər siyasi məhbuslara azadlıq tələb edib. Piketdə "İlham Əliyev, Mehman Hüseynovu azad et!" şüarı qaldırıb. "Mehman Hüseynov artıq 4 gündür, aclıq aksiyası keçirir. Çünki ona qarşı saxta ittiham irəli sürülüb. Bu aksiyanı keçirməklə, xalq ictimaiyyətinin diqqətini Mehman Hüseynovun üzərinə çəkmək istəyirəm. Mehman günahsızdır. O, ölkəyə azadlıq, demokratiya, daha gözəl şərait arzuladığına görə tutulub", - Fatimə Mövlamlı deyib.
Mehman Hüseynov 2017-ci ilin martında həbs olunub. Nəsimi Rayon Polis İdarəsinin rəisinin qaldırdığı böhtan iddiası əsasında 2 il azadlıqdan məhrum edilib. Azadlığa çıxmasına 2 ay qalmışdı ki, ona qarşı yeni ittiham irəli sürülüb. Rəsmi məlumata görə, Mehman Hüseynov ədliyyə leytenantı Əli Abdalova xəsarət yetirib, otaqdakı əşyaları qırıb və üzərində saxlanılması qadağan olan 461 manat pul aşkarlanıb. Faktla bağlı Cinayət Məcəlləsinin hakimiyyət nümayəndəsinə zor tətbiq etmək maddəsi ilə cinayət işi açılıb. Yeni ittihamlarla onu 3 ildən 7 ilə qədər həbs cəzası gözləyir.

Kanala abunə ol - [ Ссылка ]

WebSite: [ Ссылка ]
Facebook: [ Ссылка ]
Twitter: [ Ссылка ]
Google+ [ Ссылка ]
İnstagram: [ Ссылка ]

__
Xəbərdən çox xəbər var. Çəkin göndərin yayımlayaq - whatsapp : +49 176 16263646

свернуть