Ба хотири як неки ...!!!
Рӯзи қиёмат шахсеро меоваранд, ки ҳарду паллаи тарозуи аъмолаш бо ҳам баробар аст ва барои ба биҳишт ворид шудан ба як некӣ ниёз дорад. Аз ин рӯ, Худованд (ҷ) ба ӯ мегӯяд: Пеши мардум бирав ва аз онҳо як некиро хоҳиш бикун. Аммо он марди бечора пеши ҳар касе, ки меравад, ҳеҷ кас розӣ ба додани он некӣ намешавад ва ҳар яке аз онҳо ин баҳонаро пеш меоваранд, ки шояд худи мо ба он некӣ ниёз пайдо намоем. Шахси мазкур бисёр маъюс мегардад, ки ногоҳ шахсе ба ӯ мегӯяд: Чаро нороҳату ғамгин ва маъюсу саргардонӣ? Мегӯяд: Танҳо ба як некӣ ниёз дорам, то вориди биҳишт шавам, аммо пеши ҳар касе, ки меравам, касе маро дастгирӣ намекунад ва ҳама ба ман ҷавоби манфӣ медиҳанд. Он мард мегӯяд: Дар номаи аъмоли ман танҳо як некӣ мебошад ва ман медонам, ки аз он ба ман фоидае намерасад, аз ин рӯ, онро бардор ва мушкилатро ҳал кун. Мард бо хушҳолии зиёде он некиро мегирад ва ба даргоҳи Худованд (ҷ) ҳозир мегардад. Бо таваҷҷӯҳ ба ин, ки Худованд (ҷ) аз ҳар чизе огоҳ мебошад, аз ӯ мепурсад: Ҳон, чӣ шуд? Он шахс воқеаи гузаштаро баён мекунад. Баъдан Худованд (ҷ) мефармояд: Он шахсро ҳам биёваред. Баъд аз он ки ӯро меоваранд, Худованд (ҷ) ба ӯ мегӯяд: Имрӯз саховати ман аз саховати ту бартар мебошад, пас дасти бародаратро бигир ва бо ҳам вориди биҳишт шавед.#домуллоабдулкодир #киса #бехтарин #рекомендации #рекомендации #рекомендую #рекомендую #ютуб #хочувтренды #рек #точикистон #таджикистан #амримаъруф #насихат #намаз #рекомендации #аллах #сура #домулло #домуллоабдулқодир #домуллоабдулкодир #рекомендации #хочувтренды #рекомендую #рек #россия #узбекистан #казахстан #кино #клип
