Lajme Arkiva - TV Klan 2004
Një pjesë e madhe e gjimnazeve të kryeqytetit kanë përqafuar iniciativën e Parlamentit Rinor, për mbajtjen e uniformave nga të gjithë nxënësit në ambientet shkollore.
Duke filluar nga dita e djeshme, nxënësit e shkollave të mesme si “Petro Nini Luarasi”, “Besnik Sykja”, “Sami Frashëri”, etj, kanë qenë të detyruar të vishnin uniformën e njëjtë. Për të gjitha vajzat këmishat e bardha dhe për djemtë këmishat ngjyrë bojëqielli. Ndërsa pantallonat duhet të jenë serioze, nuk ka rëndësi ngjyra e tyre.
Nxënësja 1: “Uniforma është gjë shumë e mirë, sepse nuk i dallon njerëzit, femrat e kanë shumë problem ça do veshin, kështu që ka ikur një stres.”
Nxënësja 2: “Uniforma është diçka serioze, sepse shkolla është një vend ku të gjithë kemi ardhur për të mësuar.”
Nxënësi: “Shumë mirë më duket që të vijmë me uniformë në shkollë, sepse duhet të jemi pa a shumë të gjithë të barabartë.”
Mësuesja: “Siç e shikoni dhe vetë, nxënësit duken më të bukur, më simpatik dhe më të pastër.”
Por jo të gjithë e pranojnë me kënaqësi veshjen e uniformës dhe këtë e tregon dhe vetë fakti që presin me padurim sa të dalin nga ambientet e shkollës për ta hequr atë.
Nxënësja: “Të them të drejtën nuk është se më pëlqen shumë ngjyra e këmishës, sepse është e bardhë dhe duhet ta lashë shumë shpesh, nuk do më pëlqente uniforma, megjithatë duhet të zbatojmë rregulloren e shkollës.”/tvklan.al
Gazetare: Elja Zotka
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
