#ramizrövşən #kamranyunis #emilşahin
#şeirlər #poeziyateatrı #kamranmyunis #şiirler
Ramiz Rövşən - Gecələr yuxuna girəcəyəm mən
Bəstəkar - Emil Şahin - Xəyallar
Gedibsən, yetişməz harayım-səsim,
Saxlayıb divarlar, çəpərlər məni.
Sənin gözlərində qalıbdı əksim,
Sənin gözlərində öpərlər məni.
Bəs səndən nə qalıb? Qəmin-kədərin...
Kədəri calaram qəmin ucuna.
Səninçün yığdığım qızılgülləri
Görən kim taxacaq sənin saçına?..
Sənin gözlərində güləcək aləm,
Gözümün yaşını siləcəyəm mən.
Gündüzlər nə zaman yadına düşsəm,
Gecələr yuxuna girəcəyəm mən.
Sən elə gözəlsən – səni sevən kəs
Yəqin ki, qısqanar çoxuna səni.
Ancaq təkcə mənə qısqana bilməz,
O necə qısqansın yuxuna səni?
O hardan bilsin ki, gözlərimdə nəm
Ölüncə dalınca gələcəyəm mən.
Gündüzlər nə zaman yadına düşsəm,
Gecələr yuxuna girəcəyəm mən.
![](https://i.ytimg.com/vi/Pajzdrdes8g/maxresdefault.jpg)