دره الصوت
ياقصيدي تأهب وارهج الصاله
ولع القاف والطاروق غناله
القصيد وطواريقه ومواله
هاتها دامها جت لك من اقصاها
من زهمني محمد راعي الهيه
كن من تحت رجلي هزه ارضيه
جت تسابق لهم فردي ومنقيه
بينن وسمها لو ماوسمناها
باسم عادل لكم مليون ترحيبه
وكل من جا باسم عادل نهلي به
مثل سالم ومن سلمه وتوجيبه
لانطق كلمة الترحيب ثناها
تشهد الدله الصفراء وضيفانه
الكرم منه ومن ابوه واخوانه
بريك ومحمد ومجلد وديوانه
اسم للمرجله لاذكرت اسماها
كان ردت للافعال البطوليه
كم عرضنا بها عرضه جميليه
يوم جتني جموعن قيمة الميه
اول الجيش بالبارود عقناها
الفعايل تكلم لاتكلمنا
للهيط والمهايط ماتعلمنا
استلمنا مواقفنا وسلمنا
يوم كلن له ذراعه حميناها
احتفلنا قصيد بحفلة مبارك
جعلها سايقة خيرن على دارك
القصايد ماتاصل حجم مقدارك
حجمك اكبر من الفكره ومعناها
جعل ربي بجوده يسعد ايامه
ومن عطاه الفضيل يحقق احلامه
مثل ماكان يبقى رافع الهامه
راعي الطيب باقصى الناس وادناها
كلمات فواز البريك
Ещё видео!