Бұл – еліміз бойынша Астанадан кейінгі екінші көрсеткіш.
Бүгін Орал өңірінде болған «Нұр Отан» партиясы төрағасының бірінші орынбасары Мұхтар Құл-Мұхаммед кәсіпкерлікті қолдауға бағытталған Елбасы тапсырмаларының қалай жүзеге асып жатқанына көз жеткізді, бірнеше өндіріс орнын аралап, техникалық мамандар даярлайтын жергілікті колледждің жұмысымен танысты.
Мына зауыттың қалбырдағы ет өнімдері жарнамаға еш зәру емес. Оралдық тауарды еліміздің барлық қаласынан таба аласыз. Өндіріс орны мұнымен шектелмей, мемлекет қолдауы арқасында биыл жабдықтарды жаңғыртты. Енді етті мұздатып, вакуумды қаптамада шығара бастады. Ішкі нарықтан бөлек қой еті Ресей мен Иранға экспортталуда. Қазірдің өзінде 60 тонна ет Иранға жөнелтілген. Сұраныс күн санап өсуде.
