《金手指》曝光刪剪片段 梁朝偉後巷被圍毆 阿Sa迫爆身材色誘張達明

由 梁朝偉 劉德華 任達華 蔡卓妍 主演嘅《金手指》喺香港上映不足兩星期，票房已經衝破2800萬，同時成為2023年聖誕新年檔開畫票房總冠軍，成績報捷。

除咗銀幕上見到嘅精彩演出之外，近日電影公司亦公開一啲未曝光嘅絕密片段，好似阿Sa飾演嘅張嘉文曾經係童黨之一，唔單止身材豐滿，仲好識得利用自己嘅優勢去完成目標，早喺少女時代就同梁朝偉飾演嘅程一言有過一面之緣。

劇組為咗重現七十年代香港舊風貌，特別悉心復刻當時嘅文具店，又搭建咗一條舊街道。其中一幕片段係偉仔跟蹤阿Sa走入暗街窄巷遭到圍毆倒地，另一幕則係阿Sa喺文具店內俯身色誘老闆張達明，製造機會畀童黨朋友偷收銀機嘅金錢，而呢場戲偉仔亦現場目擊阿Sa嘅手段，雖然冇立刻舉報，但兩人就來個互相對望，從眼神交流中彷彿已經知道對方底蘊。

首次同偉仔合作嘅阿Sa最初非常緊張，不過好快投入拍攝氣氛，而偉仔亦大讚阿Sa努力、用心。喺絕密片段中偉仔喺後巷被打嘅動作戲演出逼真，佢話今次都好濕碎，同設計動作嘅錢嘉樂之前曾經合作過，彼此早有默契。

#梁朝偉 #劉德華 #任達華 #蔡卓妍 #張達明 #金手指 #票房 #絕密片段
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
[ Ссылка ]

登入myTV SUPER享受睇TVB自製節目7日包括娛樂新聞的免費點播
[ Ссылка ]

свернуть