Австрия мемлекетінің заңнамасында шетелдіктердің жерді қолдану аясы анық көрсетілген. Еуропа одағына кіретін әрбір елдің азаматы мұнда австриялықтармен қатар жер телімін сатып ала алады.
Осы құжат негізінде ел қазынасына өзге мемлекеттің өкілдері салық төлейді. Бұл заң тек туристік өңірге, яғни Тирольге ғана қатысты емес.
Осы ретте жер сатып алам деушілерге еуропалық паспорттың болуы да шарт емес.
Демек өзге елдің азаматы да Австрияда шаруалық ашса болады.
6 жыл бойы жылжымайтын мүлікпен айналысып жүрген Анжела Вирттің айтуынша, оның клиенттері арасында Қазақстан, Ресей мен Украина азаматтары баршылық.
Ал ауыл шаруашылығына арналған жерлерді сатып алуға ниеттілерге тек бір талап қойылады. Учаскені тек белгіленген мақсатта ғана пайдалану керек.
Анжела Вирт, АWIR консалтинг кәсіпорнының директоры
-Шетелдіктер үшін Австрияда жер сатып алуға мүмкіндік бар. Бірақ алдымен жергілікті билік өкілдерінен жылжымайтын мүлік сатып алуға рұқсат алу қажет. Жер учаскелерін заңды тұлға ретінде алған дұрыс.
![](https://i.ytimg.com/vi/Q0ct5V7NlBI/maxresdefault.jpg)