Tiranë- Deputetët e PS-së, pavarësisht incidentit të rëndë gjatë ndeshjes Serbi-Shqipëri, mbështesin vizitën e kryeministrit Rama në Beograd. Ora News mori opinionet e disa prej tyre.
Ledi Shamku: “Po t’i sugjeroja një mendim timin: patjetër që duhet të shkojë, të thotë saktë dhe qartë mendimin e vet përballë, siç e ka thënë me mjete tjera publike”.
Armando Subashi: “Sigurisht, kjo është një çështje shumë delikate, shumë madhore, që kërkon një peshim shumë të madh”.
Mimoza Hafizi: “Unë do të dëshiroja që Kryeministri të shkonte në Beograd dhe të tregonte që ne jemi një popull europian dhe politika jonë e jashtme është europiane. Ajo duhet të jetë model për politikën e të gjithë shteteve ballkanike dhe populli duhet të bëhet promotor i një sjellje, mentaliteti europian, në gjirin e të gjithë vendeve ballkanike. Dhe besoj se populli ynë e meriton këtë”.
Ilir Gjoni: Pjesa elitare e shoqërisë nuk kanë kurajon dhe guximin të vënë gishtin në plagë. Përpiqen të gjejnë një armik dhe një kundërshtar, t’a krijojnë këtë dhe të gjejnë krenarinë mbi urrejtjen ndaj kundërshtarit. Ajo që vë re me shumë kënaqësi, pavarsisht nga pasionet dhe të gjithë, ka një lloj qetësie nga ana e shqiptarëve për ta administruar.
Për më shumë klikoni në [ Ссылка ]
