Kryetari i Lidhjes-Social Demokrate, Zoran Zaev, në postin e kryeministrit të Maqedonisë së Veriut për herë të parë u zgjodh më 31 maj të vitit 2017 pas zgjedhjeve të parakohshme parlamentare që ishin mbajtur në vitin 2016. Ai në krye të qeverisë u zgjodh me votat e të gjitha partive politike shqiptare pasi LSDM në zgjedhje ishte mundur nga VMRO-DPMNE me rezultat të ngushtë apo me një dallim prej dy mandateve të deputetëve. Gjatë këtij mandati Zaev mori përsipër vendime të rëndësishme, siç është ai me Greqinë për ndryshimin e emrit kushtetues të Maqedonisë së Veriut, e cila deri para Marrëveshjes së Prespës së arritur më 17 qershor 2018 quhej “Republika e Maqedonisë”. Marrëveshja u kritikua shumë nga opinioni publik por sidoqoftë, ai bëri përpara me negociatat me Bullgarinë për marrëveshjen e fqinjësisë së mirë, që po ashtu u konsiderua e dëmshme për interesat kombëtare maqedonase. Por, i ndodhur para bllokimit të radhës të bashkimit evropian, për hapjen e negociatave për anëtarësimin e Maqedonisë në bllok, në janar 2020, Zaev dha dorëheqjen nga posti i kryeministrit . Udhëheqësit e Bashkimit Europian nuk arritën të bien dakord për hapjen e bisedimeve të anëtarësimit me Maqedoninë e Veriut dhe Shqipërinë, kryesisht për shkak të kundërshtimit nga Franca ndërkohë që edhe bullgaria bënte të vetën.
Ne ndryshuam Kushtetutën e shtetit për të ndryshuar emrin, dhe e bëmë këtë për një të ardhme evropiane. Dhe kjo tregonte sjellje prej evropianësh. Ne treguam se besojmë në vlerat evropiane. Dhe tani, kur Evropa duhej të tregonte vlerat e saj evropiane, nuk e bëri këtë
Zaev kërkoi që në tetor 2019 zhvillimin e zgjedhjeve të parakohëshme më 12 prill të 2020-ës për shkak se ndihej i ‘zhgenjyer dhe i zemëruar’ me vendimin e BE-së që e quajti një “gabim historik”. Pasoi një qeveri teknike e kryesuar nga ish ministri i Brendshëm Oliver Spasovski, si kryeministër teknik. Sidoqoftë, Zoran Zaev i fitoi edhe zgjedhjet që u mbajtën në qershor të 2020-ës, pavarësisht se me një rezultat të ngushtë. Dhe ishin partitë shqiptare ato që i mundësuan formimin e qeverisë së re. Këtë radhë, pavarësisht se zgjedhjet ishin lokale, LSDM e Zaevit shënoi një rezultat zhgënjyes. Vetë Zaev kishte paralajmëruar që më herët se do të dorëhiqej nëse partia e tij do të humbte zgjedhjet në raundin e dytë, vecanërisht nëse do të humbiste shkupin... Dhe e bëri këtë, madje që në orët e vona të së dielës, kur procesi nuk ishte përmbyllur ende.


Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#ZoranZaev#Dorëheqja#TopChannel

свернуть