Historia u trajtua sot në emisionin “Historia ime” ka qenë ajo e dy vëllezërve të cilët në moshë shumë të vogël u diagnostikuan me një sëmundje e cila i la përfundimisht invalid. Një sëmundje që i ndryshoi jetën gjithë familjes. 10 muaj më parë ata kanë humbur një nga njerëzit më të shtrenjtë, babain, idhullin e tyre.
Në studio ka ardhur Sejdini, djali i vogël i familjes 34 vjeç. Por ai që i ka shkruar redaksisë së emisionit është Miklovani i cili nuk mundi dot ta shoqëroj të vëllain pasi gjendja e tij shëndetësore nuk është e mirë.
Sejdini ka rrëfyer se sëmundja që të dy kanë quhet Distrofik Muskulare Progresiv dhe simptomat e para i ka parë kur ishte rreth moshës 7 vjeç. Sëmundja filloi t’i deformonte ecjen, më pas trupin derisa përfunduan në karrocë. Miklovani përfundoi në karrocë në moshën 12 vjeç ndërsa Sejdini kur ishte 14 vjeç dhe që prej asaj kohe nuk kanë ecur më në këmbë.
Në ’90-ën i ati çoi Miklovanin në Selanik, ku e vizitoi tek një mjek amerikan, por analizat që bënë vërtetuan se ata nuk mund të gjejnë shërim apo kurim. Pavarësisht kësaj fatkeqësie të madhe që ata po jetojnë me vite, vëllezërit nuk e humbin buzëqeshjen, ata janë një shoqëri shumë e mirë për njëri-tjetrin dhe duhen shumë. Sejdini tregon se nuk kanë shokë sepse të gjithë kanë ikur në emigrim dhe përditshmëria e tyre është duke qëndruar në shtëpi.
Në një lidhje telefonike, Miklovani tregon se ata kanë vështirësi edhe me karrocat. Ata kanë vetëm karroca shtëpiake që nuk ia mundësojnë daljen jashtë për shkak të rrugëve jo fort të mira. Mungesa e karrocave, i ka bërë ata më të mërzitur dhe demoralizuar sepse nuk dalin dot me asnjë shok qoftë për të konsumuar një kafe, apo për të marrë ajër të pastër jashtë shtëpisë dhe mbi të gjitha për të shkuar lehtësisht në spital për t’u kuruar. /tvklan.al
#HistoriaIme Programi vjen nën drejtimin e Mirela Milorit, gazetares së njohur që na ka përcjellë informacione mbrëmjeve tona përgjatë 20 viteve, dhe rikthehet në #TvKlan, si moderatore dhe bashkëautore e këtij emisioni. #MirelaMilori
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/QBkJQF1IcyA/mqdefault.jpg)