Bakıda 27 yaşlı müəllim
Baş Prokurorluqdan Bakıda 27 yaşlı müəllimin intihar etməsi ilə bağlı MƏLUMAT
Baş Prokurorluq Bakıda 27 yaşlı müəllimin intihar etməsi ilə bağlı məlumat yayıb.
Baş Prokurorluğun mətbuat xidmətindən verilən məlumata görə, sentyabrın 16-da saat 15 radələrində paytaxtın Suraxanı rayonu, Hövsan qəsəbə sakini Naidə İsayevanın Nərimanov rayonu, Aşıq Molla Cümə küçəsində yerləşən hündürmərtəbəli binanın 16-cı mərtəbəsindən özünü ataraq intihar etməsi barədə Nərimanov rayon prokurorluğuna məlumat daxil olub.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.
Faktla bağlı Nərimanov rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
