Автор музыки: Қ. Шілдебаев
Автор текста: И. Исаев

Жағатын жұлдыздарын қайран күндер-ай,
Өмірдің қызығына тойған күндер-ай!
Жүректе сағыныш боп, ахау, сақталған,
Айналайын, ахау, сайран күндер-ай!

Болады тіршілікте көңіл әрқалай,
Адамды жетелейді сенім алдамай!
Бақыттың қанатында, ахау, тербелген,
Айналайын, ахау, серік арман-ай!
Бақыттың қанатында, ахау, тербелген,
Айналайын, ахау, серік арман-ай!

Қалды ғой өткен күнмен әніміз талай,
Жабырқап жүдемесін жанымыз қалай?
Көңілде күлімдеген, ахау, аяулым,
Айналайын, ахау, сағыныштар-ай!
Көңілде күлімдеген, ахау, аяулым,
Айналайын, ахау, сағыныштар-ай!

Әркімнің келер күнге сенімі әрқалай,
Жүректе қимас күннің көбі қалмады-ай.
Шырындай шаттығыңды, ахау, ағайын,
Абайсызда, ахау, төгіп алмағай!

Шырындай шаттығыңды, ахау, ағайын,
Абайсызда, ахау, төгіп алмағай!

Шырындай шаттығыңды, ахау, ағайын,
Абайсызда, ахау, төгіп алмағай!

свернуть