Një komandant i lartë i forcave ajrore ukrainase tha se vendi ka nevojë të dëshpëruar për avionët luftarakë F-16,të cilët sipas tij janë katër apo pesë herë më efikasë se avionët e erës sovjetike që përdor aktualisht vendi nën pushtim rus. Serhiy Holubtsov, një nga komandantët më të lartë të forcës ajrore, tha se ndërsa donacionet e MiG-ëve 29 të erës sovjetike nga vendet aleate janë një hap i rëndësishëm, por ata nuk përmbushin plotësisht nevojat e ukrainës në fushëbetejë. Anëtaret e natos, polonia dhe sllovakia, kanë filluar t’i dorëzojnë ukrainës avionët luftarakë MiG-29 ndërsa Kievi përgatitet për kundërofensivën e shumë përfolur për të rimarrë territoret e pushtuara nga Rusia. Por, Holubtsov, thotë se ndërsa avionët e erës sovjetike janë më mirë se asgjë, ata nuk do të jenë në gjendje të zbrapsin forcën e madhe ajrore të Rusisë. “Avionët luftarakë F-16, janë bërë avionë shumërolësh që mund të përmbushin të gjithë spektrin e misioneve ajrore. MiG-29, fatkeqësisht, janë avionë të shekullit të shkuar”, tha ai në televizionin kombëtar. Në një vizitë në Varshavë, të mërkurën, presidenti Volodimir Zelenski tha se besonte se POlonia do të merrte një rol kryesor në krijimin e një koalicioni të fuqive perëndimore që do të furnizonin me avionë luftarakë Ukrainën. Varshava ka ndihmuar në mbledhjen e mbështetjes për furnizimin e vendit me tanke perëndimore, më herët këtë vit. Gjatë vizitës së Zelenskit, polonia premtoi edhe 10 migë të tjerë përvec atyre të dërguar tashmë në vend. Cdo koalicion donatorësh të F-16ave, do të kishte sidoqoftë nevojë për mbështetje nga SHBA, që deri më tani është përdoruesja më e madhe dhe prodhuesja e këtyre avionëve. Uashingtoni ka përjashtuar mundësinë e dërgimit të avionëve luftarakë F-16 në Ukrainë, për momentin, dhe zyrtarët amerikanë kanë vlerësuar se koha e nevojshme për dërgimin e avionëve dhe trajnimin e pilotëve shkon në minimumi 18 muaj. Holubtsov ndërkohë tha se ekziston edhe mundësia që pilotë të huaj të drejtojnë avionët ukrainas por kjo do të ishte e dobishme vetëm nëse ata drejtojnë avionë për të cilët janë trajnuar. Ai po ashtu tha se dy pilotë ukrainas i ishin nënshtruar testeve në SHBA për të vlerësuar njohuritë e tyre, dhe sipas tij, ata kishin rezultuar të suksesshëm, cka do të shkurtonte në mënyrë të ndjeshme kohën e nevojshme për trajnimin e pilotëve ukrainas për përdorimin e F-16ave.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#MiG#Ukraina
![](https://s2.save4k.ru/pic/QF46kEkLNas/maxresdefault.jpg)