Në orët para se kryeministri britanik të mbërrinte në Shtëpinë e Bardhë, ai dhe ekipi i tij ishin në një dhomë të sigurt në Ambasadën Britanike aty pranë.
Kjo është një dhomë e krijuar për biseda që spiunët nuk munden t’i dëgjojnë, sado të sofistikuara të jenë teknikat e tyre të përgjimit. Ekipi i Doëning Street, sic shkruan Chris Mason, redaktori politik i BBC, po bisedonte me stafin e qeverisë britanike në Ukrainë dhe Rusi, duke mbledhur informacionin dhe duke u njohur me qëndrimin e tyre para takimit me Presidentin Biden. Kryeministri mbërriti në Shtëpinë e Bardhë në orët e vona të pasdites së Uashingtonit, ndërsa presidenti Biden i tregoi atij kopshtin e trëndafilave, para se të niseshin për në dhomën blu. Në çdo anë të një tavoline të gjatë drejtkëndëshe, u vendosën dy delegacionet, kryeministri dhe presidenti, me shtatë ndihmës në krah. Për pak minuta u lejuan edhe gazetarët. Fjalët e ngrohta nga liderët u ndoqën nga pyetje të menjëhershme të gazetarëve. Ajo që pasoi ishte një bisedë private që zgjati rreth 90 minuta. Ukraina dominoi, por nuk u përjashtuan as cështje të tjera si lindja e mesme, kina dhe irani. Doëning Street kishte kërkuar paraprakisht ta portretizonte këtë si një mundësi për një bisedë më të thellë sesa e lejon raundi i zakonshëm i takimeve ndërkombëtare. Për sa i takon Ukrainës, ajo është një aleate e Britanisë dhe SHBA-së, ende në nevojë për ndrihmë, ndërsa miqtë peshojnë mënyrën më të mirë të mundshme për ta ofruar atë, dhe me cfarë kostoje. Britania ka qenë një hap përpara të tjerëve për sa i takon kërkesës së kievit për ta lejuar të përdorë raketat perëndimore në Rusi. Presidenti Biden është skeptik, i frikësuar se mund ta tërheqë Amerikën dhe Evropën në konflikt të drejtpërdrejtë me Moskën. Kjo është pikërisht ajo që Vladimir Putin ka lënë të kuptohet ditët e fundit. Diplomacia dhe inteligjenca perëndimore po përpiqen të hyjnë në prikologjinë e një lideri në luftë, duke u përpjekur të hamendësojnë se si mund të reagojë ai. A do të sulmonte me të vërtetë Putini një vend anëtar të NATO-s, cka do të tërhiqte të gjithë aleancën në luftë me rusinë...? Sidoqoftë, kishte pak pritshmëri që ky takim të zgjidhte cështjen e raketave perëndimore...Në fund të fundit, ky është një konflikt pa fund të dukshëm në horizont, dhe i ngarkuar me një pafundësi dilemash, të bazuara në një pikë: si mund të mposhtet rusia pa e provokuar moskën...

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Takimi#Biden

свернуть