✓ Rəssam official Youtube kanalı
✓ Rəssam – Sən elə bir vaxtda rast gəldin mənə (Cabir Novruz)
Sən elə bir vaxtda rast gəldin mənə,
Qurumuş bulağam,bulanmış suyam.
Sən elə bir vaxtda rast gəldin mənə,
Oxunmus nəğməyəm,çalınmış toyam.
Nə gücüm çatdı ki,səndən yapışım,
Nə gücüm çatdı ki,səndən qaçam mən.
Nə odum oldu ki,yanam alışam,
Nə şəhrim oldu ki,cavanlaşam mən.
Sən elə bir vaxtda rast gəldin mənə,
Ömrün payız vaxtı,xəzəl çağıydı.
Sən elə bir vaxtda rast gəldin mənə,
Sənin gəncliyinin gözəl çağıydı.
Nə deyə bildim ki,tutmaz sevdamız,
Nə deyə bildim ki,tutar bizimki.
Bizimdir səmada axan o ulduz,
O uzaqda itən qatar bizimdir.
Sən elə bir vaxtda rast gəldin mənə,
Dayanıb durmuşdum yol ayrıcında.
Sən elə bir vaxtda rast gəldin mənə,
Bir üzüm cavandı,bir üzüm qoca.
Nə deyə bildim ki,sevən çağımdır,
Nə dedim:sevirəm mənə dayaq ol.
Nə deyə bildim ki,mənə yaxın ol,
Nə deyə bildim ki,məndən uzaq dur.
Sən elə bir vaxtda rast gəldin mənə,
Ömrün esq badəsi içilmiş idi.
Sən elə bir vaxtda rast gəldin mənə,
Mənzilimin çoxu keçilmiş idi.
Sən elə bir vaxtda rast gəldin mənə,
Bu necə fəsildi,necə vaxt idi?
Sən elə bir vaxtda rast gəldin mənə,
Bu necə taledi,necə baxt idi.
Nə deyə bildim ki,pənahsızam mən,
Nə deyə bildim ki,pənah məndədir.
Nə deyə bildim ki,günahsızam mən,
Nə deyə bildimki günah məndədir.
Sən elə bir vaxtda rast gəldin mənə,
Özüm öz halıma gülmək istədim.
Sən elə bir vaxtda rast gəldin mənə,
Təzədən dünyaya gəlmək istədim.
#ressam #CabirNovruz
tags: rəssam, ressam, official, ressam official, rəssam official, ressamofficial, rəssamofficial, şeir, seir, poeziya, musiqi, musiqili şeir, musiqili seir, ressam - sen ele bir vaxtda rast geldin mene, şeir, şeirlər, poeziya, rassam, ressam 2021
