Altin Dumani, kryeprokurori i ri i SPAK, e nisi detyrën e tij me premtimin se 3 vitet e ardhshme do të shënojnë një fazë të re te kësaj prokurorie kundër krimit të organizuar dhe korrupsionit.

Kolegëve të tij në fjalën e marrjes së detyrës, Dumani u tha se i inkurajonte të hetonin çdo shkelës ligji pavarësisht pozitës së tij.

“Pas këtyre 3 viteve, Prokuroria e Posaçme do të kalojë tashmë në një fazë tjetër dhe që është ajo e një lufte më agresive ndaj korrupsionit të zyrtarëve të çdo niveli si dhe krimit të organizuar. Tashmë kemi një Prokurori e cila është në funksion të plotë në përbërje të së cilës jemi 17 prokurorë, kemi tashmë Byronë Kombëtare të Hetimit funksionale. Gjithashtu, kemi dhe diçka tjetër pozitive që kemi fituar eksperiencë në këto 3 vite punë”.

Të rëndësishme në punën e SPAK konsideroi edhe bashkëpunimi me Byronë Kombëtare të Hetimit.

“Unë jam i vetëdijshëm se pa një BKH efiçente, suksesi është i pamundur. Vlerësoj punën e hetuesve të BKH-së”.

Përgjatë 3 viteve që kaluan SPAK pati në dorë mbi 900 procedime dhe mbi 1 mijë qytetarë të hetuar, teksa mbeten ende në fazën paraprake dosje e hapura për inceneratorin e Tiranës, koncesionin e sterilizimit në shëndetësi, hetimet për ish presidentin Ilir Meta dhe disa zyrtarë e ish zyrtare të tjerë.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть