Gjykata e Durrësit ka caktuar masat e sigurimit për 15 të ndaluarit në kuadër të operacionit “Summer”, nga të cilët 4 u lanë arrest në burg, 7 në arrest shtëpie dhe 4 me detyrim paraqitjeje.
27-vjeçari Xhuliano Xhaferi, kamarier në lokalin në Gjirin e Lalëzit që mori përsipër posedimin e 3,8 gr kokainë dhe 150 gr kanabis që u gjetën në dhomën e tij të fjetjes në lokal u la arrest në burg.
Durim Meta, babai i 9 të fëmijëve, i kapur me 4 episode shitjeje droge, u la arrest në shtëpi. Ndërsa djali i tij Mehmet Meta që mori përsipër posedimin e pistoletës që u gjet në shtëpinë e të atit në çastin e kontrollit, u la arrest në burg, megjithëse gjatë seancës mohoi autorësinë e tij.
Sakaq drejtori i shkollës artistike “Jan Kukuzeli” të Durrësit, Dashamir Mehmeti është një prej tre personave që nuk u arrestuan gjatë këtij operacioni. Mësohet se në momentin që shërbimet e policisë kanë shkuar në banesën e Dashamir Mehmetit, ai ndodhej në oborr.
Sapo ai ka parë punonjësit e policisë është larguar me vrap duke kaluar avllinë e banesës në drejtim të banesave të tjera në lagje duke humbur gjurmët. Gjatë kontrollit në shtëpi i'u gjet një pistoletë.
Operacioni i koduar ‘Summer’, është realizuar në zbatim të planeve operacionale ‘Sundimi i Ligjit’ dhe ‘Tempulli’. Personat e arrestuar sipas policisë ushtronin veprimtarinë kriminale në fushën e shpërndarjes së lëndëve narkotike dhe armëmbajtjes pa leje. Hetimi sipas policisë me metoda proaktive ka zgjatur 2 muaj.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Gjykata#Durres
![](https://i.ytimg.com/vi/QUOns4nF5p0/maxresdefault.jpg)