Այսօր Մեծ Պահքի 24-րդ օրն է՝ միջինքը: Արարատյան Հայրապետական թեմի հոգեւոր հովիվ Տեր Պետրոս ավագ քահանա Մալյանն այսօր լրագրողների հետ հանդիպմանը բերել էր միջինքի ավանդական ուտեստը՝ կլոր գաթան, որի մեջ հաջողություն բերող կոպեկ է պահվում:
Քահանան իր խոսքում նշեց, որ միջինքով չի կարելի լուծարել պահքը. միջինքը պարզապես առիթ է, որպեսզի մարդիկ թեթեւացնեն պահքի դժվարությունները.
«40-օրյա մեծ պահքը երկար ճանապարհ է քրիստոնյայի համար, որը նա պետք է անցնի, եւ հատկապես պահքի առաջին շրջանը մարդիկ միշտ մի քիչ դժվարությամբ են անցկացնում, եւ որպեսզի այդ դժվարությունը կոտրվի, մեղմացվի, մեր ժողովուրդը գեղեցիկ սովորություն ունի՝ միջինքի օրը այցելություններ կատարել մեկը մյուսի տուն, նշել, ուրախանալ»:
Բացի այս, միջինքի օրը երկեղեցիներում երեկոյան ժամերգություն է կատարվում, եւ ավելանում են շարականները:
